Obradoiro presencial dirixido a mulleres que queiran explorar a escrita persoal e creativa lendo a diferentes autoras dentro da literatura e o pensamento, tecendo a memoria das mulleres que nos acompañaron e das que nos habitan.
Na literatura, igual que noutros ámbitos culturais ou sociais, as mulleres sempre estiveron presentes, aínda que silenciadas ou veladas. Temos unha voz e un discurso e, ao mesmo tempo, lémonos no que van escribindo as demais. Precisamos escoitar as nosas voces e contar as nosas historias para tecer alternativas ao discurso dominante, soster as nosas resistencias cotiás, desfacernos dos bloqueos creativos e construír, mediante a escrita ou outros canais expresivos, un lugar interior e exterior no que descansar.
Contidos
Fixemos un primer obradoiro en novembro de 2019. A idea inicial era seguir o temario do obradoiro online co mesmo nome; pero enseguida converteuse nun encontro para explorar a creación de historias; o lugar do que parte a voz de cada persoa e as súas fortalezas e as dificultades técnicas que atopa no camiño: narrador/a, peche das historias, elixir o título, equilibrio entre dicir e mostrar. Tamén estivo moi presente a voz crítica e as súas peculiaridades cando a que escribe, como era o caso, é unha muller.
Comezamos un novo ciclo de encontros o 14 de febreiro; podeste sumar aínda que non estiveras nos anteriores. Cantas máis sexamos, máis enriquecedoras serán o ollar das compañeiras e a súa escoita, que é o principal valor dun encontro presencial. Si tes calquera dúbida, contacta conmigo ou pregunta na libraría.
En cada sesión traballaremos con propostas de escritura e lectura co obxetivo de:
- Conectar coa voz, a mirada e os recursos de cada persoa para a escritura persoal e creativa
- Explorar a obra das autoras na literatura e no pensamento.
- Identificar e neutralizar a voz crítíca, lexitimando e alimentando o hábito da escritura.
Se queres saber máis, podes ver a versión online deste obradoiro.
Onde e cando
Na Libraría de Mulleres Lila de Lilith
Os venres de 17:30 a 19:30 cunha periodicidade quincenal. As primeiras sesións serán os días 14 e 28 de febreiro e 6 e 20 de marzo de 2020.
Matrícula
CERRADA
Imparte: Lidia Luna
